У перыяд з 3 па 27 сакавіка 2025 года студэнты і выкладчыкі факультэта педагогікі і псіхалогіі дзяцінства наведалі рэспубліканскую мастацкую выставу «Грані творчасці», якая пад назвай «Перад сабой і светам будзь праўдзівы» разгарнулася ў сценах нашага ўніверсітэта. Выстава была прысвечана юбілейнай даце — 110-годдзю з дня нараджэння нашага славутага земляка, паэта Аркадзя Аляксандравіча Куляшова. З дапамогай куратара выставачнага праекта Людмілы Васільеўны Набокавай мы ўспомнілі асноўныя моманты яго жыцця і творчасці, пазнаёміліся з творамі нашых сучаснікаў, якія былі створаны ў выніку філасофскіх роздумаў пасля чытання вершаў паэта. Дзякуем арганізатарам і ўдзельнікам выставы за магчымасць глыбей дакрануцца да шматграннасці паэтычнай спадчыны аўтара, чыё імя носіць наш універсітэт.